Проект школьная газета

“Аартык” бырайыак үлэтин ис хоһооно

Үлэ сонуна: балысханнык сайда турар 21-с үйэ  кэмигэр  үрдүк информационнай култууралаах киһини иитии. Оскуола иһинэн сахалыы хаһыаты таһааран, оҕо төрөөбүт тылын таба туһанарыгар сөптөөх хайысхалары ыйыы. Оҕо дириҥник хорутан толкуйдуур, айымньылаахтык айар, сааһылаан суруйар, сэһэргиир дьоҕурун сайыннарыы.

Үлэ сыала: төрөөбүт төрүт тылга тапталы иитии, тылы  таба туттан суруйар, саҥарар сатабылы иҥэрии.

Үлэ соруга: эдэр кэрэспэндьиэннэр куруһуок тула биир интэриэстээх оҕолору түмэн, оскуола иһинэн хаһыаты таһаарар дьарыкка оҕолору уһуйуу, угуйуу. Дьон иннигэр сааһылаан саҥарар, кэпсиир дьоҕурга үөрэтии, үөрүйэҕи иҥэрии.

Үлэ түмүгэ: оскуола иһинэн  «Утум» хаһыаты чиэппэргэ биирдэ таһаарыы.

«Тыллыы» (3 – 4 кылаас үөрэнээччилэрэ) уонна «Аартык» (5 – 11 кылаас үөрэнээччилэрэ) холбоһуктаах куруһуоктар  үлэлэрин хайысхалара

1. Сахалыы оҕо хаһыаттарын кэпсээннэрин, сэһэннэрин, номохторун, хоһооннорун ааҕыы, хаһыакка тахсар балаһалары ырытыы.

2. Оскуола олоҕун сырдатар ыстатыйалары суруттарыы, кыра кээмэйдээх айымньылары суруйарга үөрэтии.

3. Хроника, иһитинэрии, интервью, репортаж туһунан өйдөбүллэри ылыы уонна онно үлэлэһии.

4.Куруһуок оҕолорун араас таһымнаах  тэрээһиннэргэ кытыннарыы.

5. Киирбит матырыйааллары түмэн, чочуйан, оскуола хаһыатын таһаарыы.

«Кэскил» хаһыат тэрийбит «Чысхаан уонна кини доҕотторо» республикатааҕы куонкурус анал бирииһин кыайыылаахтара Оконосова Айыына, Лукина Кэскилээнэ, Адамов Вова.