Үөһээ Бүлүү 4с нүөмэрдээх уонна Хоро орто оскуолаларыгар Кэмпэндээйи тууһунан доруобуйаны бөҕөргөтөр анал хостор оҥоһулуннулар. Манна туустаах муора салгынын оҥорор оборудованиялар турдулар, сеанс кэмигэр уйулҕаны сынньатар ырыа тыаһыан сөп, ролик көрүөххэ сөп. Улуус баһылыга Владимир ПОСКАЧИН сорудаҕынан оҥоһуллубут кабинеттар, билигин ковид кэмигэр доруобуйаны бөҕөргөтөргө ордук туһалаах. Бу хосторго, бастатан туран оҕолор, учууталлар сылдьыахтара, нэһилиэнньэҕэ үөрэх кэннэ, өрөбүллэргэ эбии өҥө быһыытынан киллэриэхтэрэ.
Маннык хостор, улуус атын оскуолаларыгар эмиэ киириэхтэрэ, бастатан туран интернаттаах оскуолаларга салҕыы оҥоһуллуоҕа.
Тууһунан сөпкө тыыммыт оҕолор доруобай уонна уһун буолаллар. Төрдүс оскуола уонна Хоро интернаттаах оскуолатын оҕолоро улууска саамай уһун уҥуохтаах буолуохтара.
