Саха АССР тэриллибитэ 100 сылыгар, уһулуччулаах политическай деятель Максим Кирович Аммосов төрөөбүтэ 125 сылыгар, Арассыыйа норуоттарын култуураларын нэһилиэстибэтин сылыгар, Үөһээ Бүлүү улууһугар быйыл биллэриллибит Ийэ тыл сылыгар аналлаах II-с ӨРӨСПҮҮБҮЛҮКЭТЭЭҔИ «БАСХАН – 2022» ДЬЫАЛАБЫАЙ ООННЬУУ (КУОНКУРУС) Муус устар 4-8 күннэригэр биир нэдиэлэ устата дириҥ, киэҥ суолтаны, өйдөбүлү ылан 5 үтүһүмэҕинэн ыытылынна.
Кыттаачылар бары биэс түһүмэххэ ZOOM платформа нөҥүө кыттыыны ыллылар. «Удьуор утум» — кыттааччы төрдүн –ууһун билиһиннэрии, «Дойду салайааччылара мин тус бэйэм көрүүбүнэн» талан ылан дойду салайааччыларын туһунан тус санаатын этиниилэрэ, «Өркөн- өй»блиц- ыйытыыларга хоруй (уопсай билиигэ өйү тургутан көрүү), куолулааһын түһүмэҕэ (дебат тиэмэтэ « Саха сирин сайдыытын 20 сылынан хайдах көрөҕүн…» уонна «Айыы умсулҕана» хоһоон строкатын тутатына ситэри айан холонон көрүү түһүмэхтэрэ ыытылынна. Барыта 11 улуустан 14 кыттааччы Чурапчы, Сунтаар, Бэрдьигэстээх, Өймөкөөн, Хаҥалас, Амма, Усуйаана, Мэҥэ Хаҥалас, Томпо, Уус Майа, Үөһээ Бүлүү улууһуттан 14 кыттааччы Саха республикатын араас улууһуттан бастыҥтан-бастыҥ, лиидэр уолаттара өйдөрүн- санааларын, билиилэрин- көрүүлэрин тургутан көрө муһуннулар.
“БАСХАН” куонкурус үөрүүлээх арыллыыта уонна кыайыылаахтары ааттыыр долгутуулаах тэрээһинэ аныгы сайдыы ирдэбилинэн куйаар ситиминэн (ютуб каналга) Сахабыт сирин тилийэ көтөн быһа холбонон киэҥ эйгэҕэ көһүннэ. Үөрүүлээх тэрээһиҥҥэ Үөһээ Бүлүү улууһун баһылыга Владимир Семенович Поскачин уол оҕону иитиигэ сүрүн болҕомтотун уурарын таһынан, маннык тэрээһиннэр ыытыллаллара наадалааҕын, дириҥ суолталааҕын, өйүүрүн биллэрэн туран муҥутуур кылаан кыайыылаахха 25 тыһыынчалаах сертификат уонна “Тускул” оҕо киинэ туруорбут саха быһаҕын бирииһин туттарда. 1, 2, 3 кыайыылаахтарга Саха Өрөспүүбүлүкэтин оҕолорун уопсастыбаннай холбоhуктарын сойууhун бэрэссэдээтэлэ, Платон Алексеевич Ойуунускай аатынан Саха академическай театрын дириэктэрин солбуйааччы Охлопков Геннадий Иванович сыаналаах бириистэри ноутбуктары уонна принтер туттарда.
Биир нэдиэлэ устата ыытыллыбыт куонкурус түмүгүнэн кыайыылаахтар таҕыстылар.
Кылаан кыайыылаах (Гран-при) –Ефимов Данил Павлович. Үөһээ Бүлүү улууһа, М.А.Алексеев аатынан республиканскай лицей интернат 10 кылааһын үөрэнээччитэ.
I ҮРДЭЛ кыайыылаах- Солдатов Тимур Юрьевич. Амма улууһун В.М.Новиков –Күннүк Уурастыырап аатынан Эмис орто оскуолатын 9 кылааһын үөрэнээччитэ.
II ҮРДЭЛ кыайыылаах- Винокуров Сайдам Андреевич. Мэҥэ Хаҥалас улууһуттан М.П Габышев аатынан Балыктаах орто оскуолата, 8 кылааһын үөрэнээччитэ.
III ҮРДЭЛ кыайыылаах- Максимов Сахаян Егорович, Горнай улууһун Семен Данилов аатынан Бэрдьигэстээх орто оскуолатын 11 Б кылааһын үөрэнээччитэ
Биһиги оскуолабыт аатын көмүскээбит Андреев Олег Климентьевич, 8 кылаас үөрэнээччитэ, «Өркөн өй БАСХАНА» анал ааты ылла.
